ශ්රී ලංකා කාලගුණ විද්යා දෙපාර්තමේන්තුව පවසන්නේ හෙට (ජූලි 31) දිනයේදී දිවයිනේ ප්රදේශ කිහිපයකට මිලිමීටර් 100 ඉක්මවූ තද වැසි ඇද හැලීමේ හැකියාවක් පවතින බවයි.
දෙපාර්තමේන්තුවට අනුව බස්නාහිර, සබරගමුව සහ වයඹ පළාත්වල මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවල විටින් විට වැසි ඇති වේ.
එම ප්රදේශවල ඇතැම් ස්ථානවලට මිලිමීටර් 100ට වැඩි තද වැසි ලැබිය හැකි අතර, උතුරු මැද පළාතේ ස්ථාන කිහිපයක ද වැසි ඇතිවිය හැකි බව සඳහන් කර තිබේ.
දිවයිනේ සෙසු ප්රදේශවල ප්රධාන වශයෙන් වියළි කාලගුණ තත්ත්වයක් පවතිනු ඇතැයි ද කාලගුණ විද්යා දෙපාර්තමේන්තුව පවසයි.
මීට අමතරව උතුරු, උතුරු මැද, වයඹ සහ මධ්යම පළාත්වල මෙන්ම රත්නපුර, මොනරාගල, හම්බන්තොට සහ ත්රිකුණාමලය දිස්ත්රික්කවල විටින් විට පැයට කිලෝමීටර් 40 සිට 50 දක්වා තද සුළං ඇතිවිය හැකි බවට ද අනතුරු අඟවා ඇත.
අයහපත් කාලගුණ තත්ත්වයන් හේතුවෙන් ඇතිවිය හැකි ගංවතුර, ගස් කඩා වැටීම් සහ අනෙකුත් අවදානම් තත්ත්වයන් පිළිබඳ ජනතාව සැලකිලිමත්ව සිටින ලෙස බලධාරීන් දැනුම් දී තිබේ.
