ජාතික ඩෙංගු මර්දන ඒකකය (NDCU) නිකුත් කළ නවතම වාර්තාවට අනුව, 2026 ජූලි 24 වන විට මෙරටින් වාර්තා වී ඇති ඩෙංගු මරණ සංඛ්යාව 59 දක්වා ඉහළ ගොස් ඇති අතර, සමස්ත ඩෙංගු රෝගීන් සංඛ්යාව 80,114 දක්වා වර්ධනය වී තිබේ.
පෙර දිනය වන විට ඩෙංගු මරණ 57ක් සහ රෝගීන් 79,016ක් වාර්තා වී තිබූ අතර, දිනක් තුළ රෝගීන් සහ මරණ සංඛ්යාවේ තවදුරටත් ඉහළ යාමක් දක්නට ලැබී ඇත.
සෞඛ්ය අංශ පෙන්වා දෙන්නේ ඩෙංගු මරණ අනුපාතය මේ වනවිට 0.07% ලෙස සටහන් වන බවයි.
මෙම වසරේ ජූනි මාසයේදී රෝගීන් 21,534ක් සහ ජූලි මාසයේදී රෝගීන් 24,739ක් වාර්තා වී ඇති අතර, එම මාස දෙක තුළ ඩෙංගු ව්යාප්තිය සැලකිය යුතු ලෙස ඉහළ ගොස් තිබේ.
2026 වසරේ 29 වන සතිය වන විට දිවයින පුරා සෞඛ්ය වෛද්ය නිලධාරී (MOH) බලප්රදේශ 175ක් අධි අවදානම් කලාප ලෙස හඳුනාගෙන ඇති අතර, රෝහල්ගතව ප්රතිකාර ලබන රෝගීන් සංඛ්යාව 2,391ක් ලෙස වාර්තා වේ.
පළාත් අනුව වැඩිම රෝගීන් සංඛ්යාව බස්නාහිර පළාතෙන් වාර්තා වන අතර එය 42,414ක් (52.94%) වේ. ඉන් අනතුරුව දකුණු පළාතෙන් 12,154ක් (15.17%) සහ මධ්යම පළාතෙන් 6,837ක් (8.53%) වාර්තා වී ඇති අතර, මධ්යම පළාතේ ද රෝගීන් සංඛ්යාවේ ඉහළ යාමක් සෞඛ්ය අංශ නිරීක්ෂණය කර ඇත.
දිස්ත්රික් මට්ටමින් වැඩිම රෝගීන් වාර්තා වී ඇත්තේ ගම්පහ (16,950), කොළඹ (16,021), මාතර (5,534), මහනුවර (5,437), කළුතර (5,245), රත්නපුර (4,482) සහ ගාල්ල (4,430) දිස්ත්රික්කවලිනි.
සෞඛ්ය බලධාරීන් පෙන්වා දෙන්නේ පවතින වර්ෂාපතනය හේතුවෙන් මදුරුවන් බෝවන ස්ථාන ඉහළ යාම මෙම තත්ත්වයට ප්රධාන හේතුව වී ඇති බවයි. ජනතාව තම නිවාස හා අවට පරිශ්ර පිරිසිදුව තබා ගැනීමත්, උණ ඇතුළු ඩෙංගු රෝග ලක්ෂණ පවතින්නේ නම් ප්රමාද නොවී වෛද්ය ප්රතිකාර ලබා ගැනීමත් අත්යවශ්ය බව සෞඛ්ය අංශ යළි අවධාරණය කරයි.
