පොලිස් මත්ද්රව්ය නාශක කාර්යාංශය (PNB) විසින් කොටහේන ප්රදේශයේ සිදුකළ වැටලීමකදී විශාල ප්රමාණයේ මත්ද්රව්ය තොගයක් සහ මුදල් සමඟ පුද්ගලයෙකු අත්අඩංගුවට ගෙන තිබේ.
පොලිසිය සඳහන් කළේ ලැබුණු බුද්ධි තොරතුරකට අනුව සිදුකළ විශේෂ මෙහෙයුමකදී මෙම සැකකරු අත්අඩංගුවට ගත් බවයි.
වැටලීමේදී සැකකරු සන්තකයේ තිබී අයිස් මත්ද්රව්ය කිලෝග්රෑම් 3.94කට ආසන්න ප්රමාණයක් සහ හෙරොයින් ග්රෑම් 215ක් සොයාගෙන ඇත.
මීට අමතරව, රුපියල් ලක්ෂ 6ක මුදලක්ද පොලිසිය භාරයට ගෙන තිබේ.
මෙම මුදල් මත්ද්රව්ය ජාවාරම් කටයුතුවලින් උපයාගත් මුදල් විය හැකි බවට සැක පළ කරන අතර ඒ සම්බන්ධයෙන්ද විමර්ශන ක්රියාත්මකයි.
අත්අඩංගුවට ගත් සැකකරුගෙන් වැඩිදුර ප්රශ්න කිරීම් සිදුකරන අතර, ඔහුට වෙනත් ජාවාරම්කරුවන් සමඟ සම්බන්ධතා තිබේද යන්න පිළිබඳවද විමර්ශන සිදුකරනු ලබයි.
පොලිස් මත්ද්රව්ය නාශක කාර්යාංශය සඳහන් කළේ සිද්ධිය සම්බන්ධයෙන් වැඩිදුර විමර්ශන තවදුරටත් ක්රියාත්මක බවයි.
