මීගමුව බන්ධනාගාරයේ ඇති වූ ප්රචණ්ඩ ගැටුම්වලදී බරපතළ තුවාල ලබා කොළඹ ජාතික රෝහලේ ප්රතිකාර ලබමින් සිටි තවත් බන්ධනාගාර නියාමකවරයෙකු ජීවිතක්ෂයට පත්ව ඇති බව වාර්තා වේ.
ඒ අනුව, මෙම සිද්ධියෙන් ජීවිතක්ෂයට පත් සමස්ත පුද්ගලයින් සංඛ්යාව 28 දක්වා ඉහළ ගොස් තිබේ.
පසුගිය අගෝස්තු 6 වැනිදා දෙවන වරටත් මීගමුව බන්ධනාගාරය තුළ උද්ගත වූ ප්රචණ්ඩ ගැටුම්වලින් පුද්ගලයින් 100කට අධික පිරිසක් තුවාල ලැබූ අතර, බරපතළ තත්ත්වයේ පසුවූ 20 දෙනෙකු වැඩිදුර ප්රතිකාර සඳහා කොළඹ ජාතික රෝහල වෙත මාරු කර යවා තිබුණි.
මේ අතර, ගැටුම්වලින් ජීවිතක්ෂයට පත් බන්ධනාගාර නිලධාරීන් හත්දෙනාගේ දේහයන්ට අවසන් ගෞරව දැක්වීම සඳහා ඒවා අද (08) වැලිකඩ බන්ධනාගාරය වෙත රැගෙන එනු ලැබීය.
එහිදී මියගිය නිලධාරීන්ගේ පවුලේ සාමාජිකයන්, ඥාතීන් සහ ඔවුන් සමඟ සේවය කළ බන්ධනාගාර නිලධාරීන් අවසන් ගෞරව දැක්වීමෙන් අනතුරුව දේහයන් අවසන් කටයුතු සඳහා පවුල්වලට භාර දෙනු ලැබීය.
මේ අතර, බන්ධනාගාරයේ ඇති වූ ප්රචණ්ඩ සිද්ධිය සම්බන්ධයෙන් අදාළ බලධාරීන්ගේ විමර්ශන තවදුරටත් ක්රියාත්මක වේ.
