2026 වසරේ පළමු මාස හය තුළ ජල ගාස්තු සංශෝධනයක් සිදු නොකර වත්මන් ගාස්තු පවත්වාගෙන යාමට අමාත්ය මණ්ඩල අනුමැතිය හිමිව තිබේ.
නිවාස, ඉදිකිරීම් සහ ජල සම්පාදන අමාත්යවරයා ඉදිරිපත් කළ යෝජනාවකට අනුව මෙම තීරණය ගෙන ඇත.
ජාතික ජල සම්පාදන හා ජලාපවහන මණ්ඩලය සිදු කළ මූල්ය විශ්ලේෂණයකින් හෙළිව ඇත්තේ, දැනට පවතින ජල ගාස්තු මඟින් මෙහෙයුම් වියදම් ආවරණය කළ හැකි බවයි.
ඒ අනුව ජනතාවට සහනයක් ලබාදෙමින් 2026 වසරේ මුල් මාස 6 සඳහා ජල බිල්පත් වැඩි නොකිරීමට තීරණය කර තිබේ.
පසුගිය කාලසීමාව තුළ විදුලි, ඉන්ධන සහ ආනයනික භාණ්ඩ මිල ගණන් ඉහළ යාම හේතුවෙන් ජනතාව ජීවන වියදම් පීඩනයකට මුහුණ දී සිටින අවස්ථාවක මෙම තීරණය සහනයක් වනු ඇති බව රජය පවසයි.
විශේෂයෙන්ම අඩු සහ මධ්යම ආදායම්ලාභී පවුල් සඳහා ජල ගාස්තු ස්ථාවරව පවත්වාගෙන යාම මගින් අත්යවශ්ය සේවා පිරිවැය පාලනය කිරීමට හැකිවනු ඇති බවද සඳහන් වේ.
කෙසේවෙතත්, ජල සම්පාදන ව්යාපෘති, නඩත්තු වියදම් සහ බලශක්ති පිරිවැය ඉදිරියේදී වෙනස් වීම මත අනාගතයේ ගාස්තු සංශෝධන සම්බන්ධයෙන් යළි සලකා බැලීමට සිදුවිය හැකි බව ආර්ථික විශ්ලේෂකයින් පෙන්වා දෙයි.
