ජපානයේ මියාගි ප්රාන්තයට ආසන්න මුහුදු ප්රදේශයේ අද ප්රබල භූකම්පනයක් වාර්තා වී තිබේ.
විදෙස් මාධ්ය වාර්තා කළේ, මෙම භූකම්පනය රික්ටර් මාපකයේ 6.3ක ප්රබලත්වයකින් වාර්තා වූ බවයි.
ජපාන භූ කම්පන නිරීක්ෂණ අංශ සඳහන් කළේ, භූමිකම්පාව මියාගි වෙරළට ඔබ්බෙන් කිලෝමීටර් 50ක පමණ ගැඹුරකින් සිදුව ඇති බවයි.
කම්පනය මියාගි ඇතුළු උතුරු ජපානයේ ප්රදේශ කිහිපයක ජනතාවට දැනී ඇති අතර, ඇතැම් ස්ථානවල ගොඩනැගිලි සහ දුම්රිය සේවාවලට තාවකාලික බලපෑම් එල්ල වූ බව වාර්තා වේ.
කෙසේ වෙතත්, මෙම භූකම්පනයෙන් අනතුරුව සුනාමි අනතුරු ඇඟවීමක් නිකුත් කර නොමැති බව ජපාන බලධාරීන් තහවුරු කර තිබේ.
සිද්ධියෙන් පුද්ගල හානි හෝ දේපළ හානි සම්බන්ධයෙන් මේ වනතෙක් නිල තොරතුරු නිකුත් වී නොමැති අතර, ආරක්ෂක අංශ සහ හදිසි ප්රතිචාර කණ්ඩායම් තත්ත්වය නිරීක්ෂණය කරමින් සිටින බව සඳහන් වේ.
ජපානය ලෝකයේ භූකම්පන අවදානම වැඩිම රටවල් අතරින් එකක් වන අතර, පැසිෆික් “Ring of Fire” කලාපයේ පිහිටා තිබීම හේතුවෙන් නිරන්තර භූ කම්පන සහ ගිනිකඳු ක්රියාකාරකම් වාර්තා වෙයි.
2011 වසරේ මාර්තු මාසයේදී මියාගි ප්රදේශයට ආසන්නයෙන් ඇති වූ 9.0ක ප්රබල භූකම්පනය සහ සුනාමි ව්යසනයෙන් දස දහස් සංඛ්යාත පිරිසක් ජීවිතක්ෂයට පත්වූ අතර, එය ජපානයේ නවීන ඉතිහාසයේ විශාලතම ස්වාභාවික ව්යසනයක් ලෙස සැලකේ.
