විජේ තමිල්නාඩු ප්රාන්ත දේශපාලනය තුළ නව බලසම්පන්න නායකයෙකු ලෙස තවදුරටත් ස්ථාවර වෙමින්, ප්රාන්ත සභාවේ බහුතර සහාය දිනා ගැනීමට සමත්ව තිබේ.
අද (13) පැවති තමිල්නාඩු ප්රාන්ත සභා ඡන්ද විමසීමේදී ඔහුට පක්ෂව ඡන්ද 144ක් ලැබී ඇති අතර, විපක්ෂව ලැබී ඇත්තේ ඡන්ද 22ක් පමණක් බව ඉන්දීය මාධ්ය වාර්තා සඳහන් කළේය.
ඒ අනුව Vijay ට ඡන්ද 122ක පැහැදිලි බහුතරයක් හිමිව ඇති බව වාර්තා වේ.
මේ අතර, මන්ත්රීවරුන් 54 දෙනෙකු ඡන්දය ලබාදීමෙන් වැළකී සිට ඇති බවද සඳහන් වේ.
ඡන්ද විමසීම අතරතුර Dravida Munnetra Kazhagam සහ Desiya Murpokku Dravida Kazhagam නියෝජිතයින් සභාවෙන් පිටව ගොස් ඇති අතර, Pattali Makkal Katchi මන්ත්රීවරුන් සිව් දෙනෙකු සහ Bharatiya Janata Party පක්ෂයේ එක් මන්ත්රීවරයෙකු ඡන්දය ප්රකාශ කිරීමෙන් වැළකී සිටි බවද වාර්තා වේ.
දේශපාලන විශ්ලේෂකයින් පෙන්වා දෙන්නේ, Tamilaga Vettri Kazhagam පක්ෂය කෙටි කාලයක් තුළ තමිල්නාඩු දේශපාලනයේ ප්රබල බලවේගයක් බවට පත්වීම දේශපාලන පරිවර්තනයක පැහැදිලි සලකුණක් බවයි.
දිගුකාලයක් Dravida Munnetra Kazhagam සහ All India Anna Dravida Munnetra Kazhagam අතර පැවති දේශපාලන ආධිපත්යයට අභියෝගයක් ලෙස විජේගේ නැගීඑම දැක්වෙන බවද ඔවුන් සඳහන් කරයි.
තරුණ ඡන්දදායකයින්, සිනමා ජනප්රියත්වය සහ ප්රාන්ත අයිතිවාසිකම් සම්බන්ධ ප්රබල දේශපාලන පණිවිඩ ඔහුගේ වේගවත් ජනප්රියත්වයට හේතු වී ඇති බවද විශ්ලේෂණවල සඳහන් වේ.
